Sheikh Na'ima Kassim: Hizbullah Ta Shirya Fuskantar Haramtacciyar Kasar Isra'ila

Mataimakin babban sakataren kungiyar Hizbullah, Sheikh Na'im Kassim ya kore yiyuwar 'yan sahayoniya su kai wa Lebanon hari, tare da cewa idan hakan ta faru to Hizbullah a shirye take

Sheik Na'im Kassim ya kuma ce; A kodayaushe Hibzullah tana cikin cikakken shiri domin kalubalantar haramtacciyar Kasar Isra'ila.

Da yake magana akan yakin kasar Syria, Sheikh Na'ima Kassim ya ce; Kawancen gwagwarmaya ya yi nasara akan makircin Amurka na rusa kasar Syira, kuma hakan zai taimakawa Hizbullah ta sami nasara a fagen siyasa.

Sheikh Na'im Kassim ya yi ishara da yadda yakin kasar Syria ya shiga shekara ta takwas yana mai kara da cewa; Yakin zai zo karshe, amma a kalla zai dauki wasu karin shekaru biyu anan gaba.