An Hallaka Sojojin Hayar Saudiya Sama Da 66 A Yemen

Majoyin labarai sun sanar da hallakar sojojin hayar saudiya sama da 66 a wani farmaki na dakarun kasar Yemen

Tashar Talabijin din Almayadeen ta kasar Labnon ta habarta cewa a jiya Lahadi Sojoji da dakarun sa kai na kasar yemen sun kai hari wurin taruwar sojojin hayar Saudiya a yankin Jabliya a gabar ruwan yammacin kasar tare da hallaka sama da 10 daga cikinsu.

A nata bangare tashar talbijin din Al-alam dake watsa shirye-shiyenta daga nan birnin tehran ta habarta cewa cikin sa'o'i 72 da suka gabata, sojojin yemen sun hallaka sojojin hayar saudiya sama da 56 daga cikinsu akwai sojojin kasar saudiya guda 6.

Ita tashar Talabijin din Almasira ta sanar da cewa Sojoji da dakarun sa kai na kasar sun tarwatsa wata mota dake dauke da sojojin hayar saudiya a filin daga na Khalifaini dake yankin Khab da Sha'ab a jahar Ajauf na arewacin kasar, tare da hallaka dukkanin sojojin dake cikinta.