Palasdinu: Yahudawa 'Yan Share Wuri Zauna Sun Kutsa Masallacin Kudus

Majiyar Palasdinawa ta ce; 'Yan share wuri zauna 159 ne su ka kutsa cikin masallacin kudus a karkashin kariyar sojojin sahayoniya

Kutse cikin masallacin kudus ya fara zama jiki inda a kowance mako 'yanhudawa 'yan share wuri zaune su ke shiga cikinsa sau daya ko sau biyu.

a gefe daya sojojin sahayoniya sun kai hari a yankuna daban-daban na yammacin kogin Jordan, inda su ka yi awon gaba da palasdinawa 15 ba tare da tuhumarsu da wani laifi ba.

Bayan kamun mutane, an yi taho mu gama a tsakanin samarin palasdinawa da kuma sojojin 'yan sahayoniya.

Da a kwai Palasdinawa 6500 a cikin kurkukun haramtacciyar kasar Isra'ila, 300 daga cikinsu kananan yara.