Palasdinawa Sun Harba Makami Mai Linzami Akan Yankunan Haramtacciyar Kasar Isra'ila

Rahotannin da suke fitowa daga yankin palasdinu dake karkashin mamaya, sun ce an harba makamai masu linzamin ne akan yankin "Bi'irus- Sab'a".

Sai dai babu wani cikakken bayani wanda yake nuni akan barnar da harin ya haddasa.

Ma'aikatar yakin haramtacciyar kasar Isra'ila ta ambata cewa; Makaman da Palasdinawa daga Gaza su ka harba akan yankunan da suke karkashin mamaya a shekarar bana, sun rubanya wadanda aka harba a bara har sau takwas.

Ministan yaki na haramtacciyar kasar Isra'ila Liberman ya sake yi wa mutane Gaza barazanar kai musu hari mai tsanani.

Palasdinawa sun harba makamai masu linzamin ne a matsayin mayar da martani akan wuce gona da iri na 'yan sahayoniya.

A ranar juma'ar da ta gabata ma, sojojin sahayoniya sun kashe palasdinawa 7 a yankin Gaza.