Iraki: Amurka Ta Sanar Da Kashe Fararen Hula Fiye Da 100

A jiya alhamis ne Amurkan ta sanar da kashe fiye da fararen hula 100 a gundumar Nainawa.

Ma'aikatar tsaron Amurka ta Pentagon ce ta sanar da kashe fararen hular a garin Mosel  da nan ne cibiyar gundumar Nainawa a yakin da ta ce tana tana yi da 'yan ta'adda.

Sai dai mazauna yankin sun ce fararen hular da Amurkan ta kashe sun haura 240 a cikin gini guda da ke birnin na Mosel.

A cikin shekaru da dama dai da Amurkan ta ke kai hare-hare a cikin Syria da kuma Iraki, ta sha kashe fararen hula da sunan fada da ta'addanci.

 Wata cibiyar mai sa idanu akan yaki, Erouz, ta ce adadin fararen hular da Amurka ta kashe a cikin kasashen Iraki da Syria sun kai 2500.