Ana Gangamin La'antar Matakin Trump Kan Qudus A Indonusiya

A Indonusiya, dubun dubatar mutane ne ke ganganmi a birnin Jakarta domin la'antar matakin shugaba Trump na Amurka kan ayyana Qudus babban birnin yahudawan sahayoniya 'yan mamaya na Isra'ila.

Majalisar shawara ta malaman addinin Islama ta kasar ce ta kira gangamin domin nuna goyan baya ga al'ummar Palastinu, da kuma kira ga Amurka da ta janye wannan matakin kan Qudus.

Indonusiya dai ita ce kasa mafi yawan al'ummar musulmi a duniya.

'Yan sanda a kasar sun ce mutane kimanin 80,000 ne ke halartar gangamin na yau Lahadi.