قطر له افغانستان سره د تیلو په زمینه کښې مرسته کوي

زمونږ خبریال وايي قطر له افغانستان سره د تیلو په برخه کښې ملګرتیا ته چمتو دی.

قطر له پاکستان سره یوځاې په افغانستان کښې د طالبانو د حکومت اصلي ملاتړی دی.

په کابل کښې د قطر سفیر سعید بن مبارک الخیارین وویل دوحه چمتو ده چې په افغانستان کښې د طالبانو له حکومت سره د تیلو په برخه کښې ملګرتیا وکړي.

د طالبانو د موقته حکومت د پیټرولیم او د معدنونو وزیر شهاب الدین دلاور هم په ټویټر پیغام کښې ویل په کابل کښې د قطر سفیر د افغانستان له خلکو سره د اقتصادي پرمختګ او د تیلو په برخه کښې د دوحې په ملګرتیا ټینګار وکړ.