د افغانستان د قامی شوراګانو د احیا لپاره د ګلبدین حکمتیار وړاندیز
د افغانستان د حزب اسلامی مشر د دغه هېواد د قامی شوراګانو او جوړښتونو په راژوندی کولو تاکید وکړ.
د تستنم خبری اژانس د رپوټ له مخې ګلبدین حکمتیار وړاندیز وکړ چې پکار دی په دغه هېواد کښې قامی جوړښتونه او شوراګانې یو ځل بیا د تېرو وختونو په شان راژوندۍ شی چې افغان جنګ ته خاتمه ورکړې شی.
په یوې بیانیه کښې چې د افغانستان د حزب اسلامی لخوا په کابل کښې د پښتنو منګلو اقوامو له مشرانو سره د حکمتیار د غونډې په اړه خپره شوې ده راغلی چې هغه د افغانستان په ختیځ کښې له قامی مشرانو وغوښتل چې پکار دی متحد شی او په خپلو سیمو کښې د جنګونو مخنیوے وکړی.
هغه تاکید وکړ چې حزب اسلامی کوشش کوی چې یو ځل بیا د قامی شوراګانو په فعالولو سره په افغانستان کښې جنګ ته خاتمه ورکړی.
هغه په دوام کښې وویل چې په افغانستان کښې جاری جنګ د بهرنیو په ګټه دے چې پکار دی د قامی مشرانو لخوا د صلحې په غږ سره ختم کړې شی.
