د ټاکنو په ورځ کابو پنځوس وسلوالو ته مرګ ژوبلې اوښتی دی
د ټاکنو په ورځ یی په ننګرهار کونړ لغمان نورستان کاپیسا پروان او پنچشیر ولایتونو کې چې ددې قول اردو د مسئولیت ساحه ده په مخامخ نښتو او هوایی بریدونو کې ۲۸ وسله وال مخالفین و ژلی او شل نور یی ټپیان کړی دی.
زمونږ خبریال له ننګرهار ه راپور راکړ دافغانستان په ختیزو ولایتونو کې د دوه سوه یو سیلاب قول اردو ویاند محمد هارون یوسفزی وئیلی دی ، د ټاکنو په ورځ یی په ننګرهار کونړ لغمان نورستان کاپیسا پروان او پنچشیر ولایتونو کې چې ددې قول اردو د مسئولیت ساحه ده په مخامخ نښتو او هوایی بریدونو کې ۲۸ وسله وال مخالفین و ژلی او شل نور یی ټپیان کړی دی.
نوموړی وویل پنځه نور مخالفین چې غوښتل یی د رای ورکونی په مرکزونو د لاسی بمونو حملې وکړی امنیتی ځواک ژوندی نیولی دی . د۲۰۱ سیلاب قول اردو ویاند وویل ددولت وسله والو مخالفینو د ټاکنو په ورځ په دی ولایتونو کې تر سلو ډیر د توپونو او نورو درنو وسلو بریدونه او ۲۸ د ماین چاودنې کړی چې پکې دنوموړی پر وینا پنځه ملکی وګړی وژل شوی او څلور پنځوس نور ژوبل شویدی . هارون یوسفزی وویل له مخالفانو سره په مخامخ نښتو کې د ملی اردو شپږ عسکر هم برسیرن ټپیان شویدی. وسله والو مخالفینوتر اوسه په دې اړه څه نه دی ویلی .
