عبد الله عبد الله د والیانو معرفي کول پیل کړل
عبد الله عبد الله په ولسمشریزو انتخاباتو کښې د اشرف غني له بریالي اعلانیدو وروسته له خپلې خوا د والیانو اعلانول پیل کړل.
د افغانستان د ملي وحدت حکومت اجرايي مشر او د دغه هیواد په وروستیو ولسمشریزو انتخاباتو کښې ماتې خولي کاندید چې په افغانستان کښې د یو هراړخیز حکومت د جوړولو په لټه کښې دی، په وړومبي ګام کښې د یو ولایت لپاره نوی والي وټاکه.
د افغانستان د ځینو رسنیو او خبریالانو د نن اعلان له مخې، د سرِ پل د ولایتي شورا مشر محمد نور رحماني عبد الله عبد الله له خوا د دغه ولایت د نوي والي په توګه ټاکل شوی دی.
د سرپل ولایت لپاره د نوې والي له ټاکل کیدو سره هم مهاله د عبد الله عبد الله سلګونه پلویان په ولایت مقام کښې راغونډ شول څو نوی والي خپل کار پیل کړي.
ټاکل شوې چې عبد الله عبد الله نن د جوزجان او پنجشیر ولایتونو لپاره هم خپل نوي والیان معرفي کړي. د افغانستان ولسمشر په دې هکله تراوسه هیڅ غبرګون نه دی ښودلی.
