ولسمشر غني د کابل ننۍ حمله وغندله

د افغانستان ولسمشر اشرف غني او اجرايي مشر عبد الله عبد الله د شهید مزاري د تلین په دستورو باندې ترهګر برید وغنده

د افغانستان ولسمشر د دغه هیواد په پلازمینې کابل کښې د وحدت اسلامي ګوند د بنسټګر شهید عبد العلي مزاري د تلین په مراسمو باندې حمله په کلکه وغندله.

د افغانستان د ولسمشر محمد اشرف غني ویاند صدیق صدیقي وویل چې ولسمشر غني په کابل کښې د شهید عبد العلي مزاري د تلین او درنښت په دستورو باندې حمله غندلې او هغه یې د بشريت خلاف جنایت وباله.

د افغانستان د ملي وحدت د حکومت اجرايي مشر عبد اللہ عبد اللہ هم دغه حمله وغندله.

له بلې خوا طالبانو د یوې خبرپاڼې په خپرولو سره د شهید مزاري د تلین په مراسمو باندې حمله رد کړې ده.