د افغانستان د حکومت او پارلمان ترمنځ تاوتریخوالی زیات شوی
زمونږ خبریال وايي د افغانستان د حکومت او د پارلمان ترمنځ تاوتریخوالی د کابینې د وړاندیزي وزیرانو په پروګرامونو باندې د غور د بهیر د بندیدا سبب شو .
د افغانستان د حکومت او د پارلمان ترمنځ له تاوتریخوالي وروسته د پارلمان استازیو د کابینې د وړاندیزي وزیرانو په پروګرامونو د غور د بهیر دوام بند کړ .
د افغانستان د ولسمشرۍ د انتخاباتو د ترسره کیدا د کابو څوارلسو (۱۴) میاشتو له تیریدا وروسته ولسمشر اشرف غني د باور رایې د ترلاسه کولو لپاره ولسي جرګې ته د کابینې څلرویشت(۲۴) غړي معرفي کړل .
که څه هم د افغانستان ولسي جرګې په لومړي پړاو کښې په کابل ښار باندې له راکټي حملو سره په یوخت د کورنیو چارو د وزیر په شمول د کابینې لسو(۱۰) وړاندیزي وزیرانو ته د باور رایې ورکړې خو د ولسمشر د لومړي مرستیال امر الله صالح څرګندونې د حکومت او د پارلمان ترمنځ په اړیکو کښې د تاوتریخوالي د رامینځته کیدا سبب شوي دي .
امر الله صالح په جنیوا کښې وویل د افغانستان د پارلمان یوشمیر غړي په مالي فساد تورن دی او د اشرف غني حکومت تراوسه نه دی توانیدلی د هغوې په فساد غور وکړي او د عدالت د تامینیدا لپاره د استازیو پارلماني خوندي توب باید لغو شي .
