جوزپ بورل د ویانا د خبرو په هکله خوشبینه دی
زمونږ خبریال وايي د اروپايي اتحادیې د بهرني سیاست مسوول د بایکاټونو د لغو کیدا لپاره د ویانا د خبرو اترو په هکله خوشبیني څرګنده کړه.
هغه د اسټریا هیواد له ورځپاڼې کرونن سره په مرکه کښې وویل چې زه د بایکاټونو د ختمولو لپاره د خبرو اترو نتیجې ته د رسیدا په هکله خوشبینه یم.
د بایکاټونو د لغو کولو لپاره د ویانا د خبرو اترو د اوسني حالت په هکله د اروپايي اتحادیې د بهرني سیاست د مسول جوزپ بورل دغه څرګندونې په داسې حال کښې شوي دي چې د ایران د خارجه وزارت ویاند ناصر کنعاني په تیرې چهارشنبې ورځ د اروپايي اتحادیې د غږملونکي له لارې د بایکاټونو د ختمیدا په خبرو کښې د پاتې موضوعګانو د حل لپاره د ایران د اسلامي جمهوریت نظرونو ته د امریکا د حکومت د ځواب په ترلاسه کولو سره وویل د امریکا په نظرونو دقیق غور پیل شوی او د ایران اسلامي جمهوریت د غور له بشپړولو وروسته په دې هکله خپل نظرونه د اروپايي اتحادیې غږملوونکي ته اعلانوي.
