د خلکو راې د دښمن په وړاندې د ایران دفاعي سپر دی
لاریجاني د سیمې او نړۍ روان حالات حساس وبلل او زیاته یې کړه چې په انتخاباتو کښې د ایران د خلکو پراخ ګډون به د پانګې په جذبولو، د کار روزګار په رامینځته کولو او د ملي تولید په زیاتیدو کښې ډیره اغیزه ولري.
د ایران د اسلامي شورا مشر وویل: د ۲۰۱۷ کال د روانې مۍ میاشتې د نولسمې نیټې په انتخاباتو کښې د خلکو زوږناک شتون به د دښمن د ګواښونو په وړاندې یو مضبوط دفاعي سپر وي.
د ایران د اسلامي شورا (پارلیمان) مشر علي لاریجاني نن په قم ښار کښې، د رایه ورکونې په مرکزونو کښې د ایران د خلکو په پراخ شتون باندې په ټینګار سره وویل: دا زوږناک شتون د امنیت او ځمکنۍ بشپړتیا په دفاع کښې د ایران د کلک هوډ نښه او د دښمن د ګواښونو په وړاندې دفاعي ډال کیدی شي.
لاریجاني د سیمې او نړۍ روان حالات حساس وبلل او زیاته یې کړه چې په انتخاباتو کښې د ایران د خلکو پراخ ګډون به د پانګې په جذبولو، د کار روزګار په رامینځته کولو او د ملي تولید په زیاتیدو کښې ډیره اغیزه ولري.
