بلاول بوټو زرداري د پاکستان خارجه وزیر شو
زمونږ خبریال وايي د پاکستان ولسمشر عارف علوي پرون د پیپلز ګوند له مشر بلاول بوټو زرداري څخه سوګند واخیست .
بلاول بوټو به د پاکستان د نوي لومړي وزیر شهباز شریف په کابینې کښې د فیډرال وزیر په توګه کار ته دوام ورکړي .
د بلاول بوټو د لوړې مر اسم پرون په اسلام اباد کښې په ایوان صدر کښې وشول او پکښې لومړي وزیر شهباز شریف هم ګډون وکړ .
درې دیرش (۳۳) کلن بلاول بوټو زرداري په دوه زره اتلسم (۲۰۱۸) میلادي کال کښې د پاکستان د ملي پارلمان (قومي اسمبلۍ) د غړي په توګه انتخاب شوی و او دا لومړی ځل دی چې هغه به په کابینه کښې د فیډرال وزیر په توګه کار ته دوام ورکړي .
د پاکستان کابینې وروسته په یوې خبر پاڼه کښې بلاول بوټو د خارجه وزیر په توګه وټاکه .
د پاکستان نوی خارجه وزیر بلاول بوټو پرون د چین سفارت ته ورغی او په کراچۍ کښې د پوهنتون دباندې په ځان وژونکي حملې کښې د چین د ښاریزو په وژل کیدا یې خواشینۍ څرګنده کړه .
بلاول بوټو زرداري وویل ترهګرو ناکامه هڅه وکړه چې د پاکستان او د چین د دوستۍ په بنسټ ګوزار وکړي .
