عربستان بیا له پاکستان سره د یو میلیارډ ډالرو مرسته وکړه
د پاکستان د مرکزي بانک ویاند له عربستان څخه د یو میلیارډ ډالرو مرستې د ترلاسه کولو خبر ورکړ.
د ایرنا د خبر له مخې د پاکستان د مرکزي بانک ویاند عابد قمر نن د سعودي عربستان لخوا د اسلام آباد د حکومت اکاونټ ته د یو میلیارډ ډالرو اچول تایید کړل.
د پاکستان حکومت له دې مخکښې هم د عربستان د درې میلیارډ ډالرو د مرستې د پيکیج دوه میلیارډ ډالر ترلاسه کړي وو.
د پاکستان مرکزی بانک پرون مازیګر هم د اسلام آباد د حکومت په اکاونټ کښې د اماراتو لخوا د یو میلیارډ ډالري مرستې د جمع کیدو خبر ورکړی و.
د عمران خان په مشرۍ پاکستان تحریک انصاف واکمن ګوند د هیواد د اقتصادي کړکیچ د ختمولو لپاره پریکړه کړې چې له عربستان او اماراتو مالي مرستې ترلاسه کړي.
خو له دې سره سره په پاکستان کښې دا اندیښنه شته چې له اسلام آباد سره د عربستان او اماراتو مالي مرستې داسې بې حساب کتابه نه دي او په سیمه کښې به د ریاض او ابوظبۍ د بلا غواړو طرحو په اجرا کښې له پاکستانه د تمو او توقعاتو د زیاتیدو سبب شي.
دم ګړۍ په دغو کښې ترټولو مهمه طرحه د یمن د خلکو خلاف د عربستان د جوړ کړي ائتلاف جنګ دی چې پس له دریو کالو او د زرګونو یمنیانو له وژل کیدو وروسته له بندون سره مخ شوی دی.
