نواز شریف بیا جیل ته ستنیږي

د پاکستان پخوانی وزیراعظم به له درملنې وروسته بیرته زندان ته ولیږل شي.

د پاکستان سترې محکمې د پخواني وزیراعظم نواز شریف د ضمانت د مودې د زیاتولو د غوښتنې په ردولو سره وویل چې هغه باید په ټاکلې نیټه زندان ته ستون شي.

خبر زیاتوي چې د نواز شریف د ضمانت د شپږو اونیو پړاؤ پاې ته رسیدلی دی.

د ویلو ده چې نواز شریف څو میاشتې مخکښې په لندن کښې د څو اپارټمنټونو د مالکیت په تړاؤ په لس کلن جیل محکوم شوی او لور او زوم یې هم د مالي فساد په جرم محکوم شوي دي.