د پاکستان د پنجاب صوبې تیر وزیرِ قانون ونیوی شو
د پاکستان د پنجاب صوبې پخوانی وزیر قانون رانا ثناء ا... لاهور ښار ته نزدې له نشه ایزو توکو سره د مبارزې د ادارې د ځواکونو له خوا د نشه ایزو موادو د لرلو په تور ونیوی شو.
د پاکستان د پنجاب صوبې پخوانی وزیر قانون رانا ثناء ا... لاهور ښار ته نزدې له نشه ایزو توکو سره د مبارزې د ادارې د ځواکونو له خوا د نشه ایزو موادو د لرلو په تور ونیوی شو.
له اسلام آباده زمونږ خبریال رپورټ راکړی چې له نشه ایزو موادو سره د پاکستان د مبارزې د ادارې ځانګړو ځواکونو پرون د مسلم لیګ نواز ګوند د دغه مشهور سیاستوال ګاډی ودروه او په کښې یې نشه ایز توکي ونیول.
د دغې ادارې ویاند ریاض سومرو په یوه خبرپاڼه کښې وویل چې د رانا ثناءا... له موټر څخه څه باندې ۱۵ کیلوګرامه هیروئین نیول شوي دي.
هغه وویل چې د پنجاب صوبې د پخواني وزیرقانون دوسیه به سبا، د نشه ایزو موادو له قاچاق سره د مبارزې محکمې ته وړاندې شي.
په عین حال کښې د پاکستان د تبلیغاتو وزیرې فردوس عاشق اعوان ویلي چې د رانا ثناء ا... په نیونه کښې حکومت هیڅ لاس نه دی لرلی او هغه له نشه ایزو توکو سره د مبارزې د کمیټې له خوا چې یو آزاد او خپلواک ارګان دی، نیول شوی دی.
هغې له مسلم لیګ نواز ګونده هم وغوښتل چې خپل دریځ دې په محکمه کښې څرګند کړي.