کویټه کښې بمي چاودنې اوو کسانو ته مرګ ژوبله واړوله

د پاکستان د بلوچستان صوبې په مرکز کویټه ښار کښې د یوې ترهګرې چاودنې له امله دوه پولیس مړه او پنځه نور زخمي شوې دي.

پاکستاني پولیسو ویلي چې دغه چاودنه د کویټې د کچلاک سیمې بلیلي نومې د تلاشۍ پوسټې ته څیرمه د امنیتي ځواکونو په ګاډي باندې شوې ده. روغتوني سرچینو ویلي چې د پیښې د دوو زخمیانو حالت خراب دی.

پولیس زیاتوي چې د دې چاودنې لپاره له اتو نه تر نهو کیلوګرامو پورې چاودونکي توکي په یو موټرسایکل کښې ایښودل شوې وو.

له پيښې وروسته امنیتي ځواکونو سیمه کلابنده کړې او د پلټنې عملیات یې پیل کړې دي.

د دې پیښې پړه کومې مخالفې ډلې نه ده منلې.