هندوستان نیوزلینډ ته په درېیمه شل اوریزه لوبه کې ماتې ورکړه
Feb 02, 2023 12:05 Asia/Kabul
د هندوستان په کوربتوب د نیوزلینډ او هند ترمنځ د درې شل اوریزو لوبو وروستۍ لوبه تېره ورځ ترسره شوه چې په کې هند نیوزلینډ ته په ۱۶۸ منډو ماتې ورکړه او د درې لوبو سریز یې دوه ـ یو پخپل نوم پای ته ورساوه.
د هندوستان په کوربتوب د نیوزلینډ او هند ترمنځ د درې شل اوریزو لوبو وروستۍ لوبه تېره ورځ ترسره شوه چې په کې هند نیوزلینډ ته په ۱۶۸ منډو ماتې ورکړه او د درې لوبو سریز یې دوه ـ یو پخپل نوم پای ته ورساوه.
د تېرې ورځې په لوبه کې هندوستان لومړی توپ وهنه وکړه او په شل اورونو کې یې د اوپنر شبنم ګیل د چټکې سلیزې په وهلو سره میلمه لوبډلې ته د ۲۳۵ منډو لوړ هدف وټاکه.
د نیوزلینډ لوبډله نه یواځې د یاد هدف په پوره کولو بریالۍ نشوه، بلکې ټوله لوبډله یې په ۱۳م اور کې د شپږ شپیته منډو په ترسره کولو سره وسوزیده او په دې سره یې هند ته په ۱۶۸ منډو ماتې ومنله.
