میلیونونو یمنیانو د اسلام د ګران پیغمبر د میلاد جشن ولمانځه
د یمن په مختلفو ولایتونو کښې میلیونونو خلکو د اسلام د ګران قدره پیغمبر د میلاد جشن ترسره کړ او د خدا له دښمنانو د برائت شعار یې ورکړ
د المسیره چینل د رپورټ له مخې، د صعده، صنعا، تعز، ذمار، جوف، مارب او المحویت په شمول د یمن په مختلفو ولایتونو کښې پرون د رسول ا... حضرت محمد مصطفی(ص) د نیکمرغه زوکړې او میلاد جشن ولمانځلی شو.
د یمن د انصار ا... د عمومي منشي عبدالملک الحوثي بلنې ته په لبیک کښې سږ کال د یمنیانو شتون بې مخینې بلل شوی دی داشان چې په السبعین میدان او د خواوشا سړکونه کښې یې میلیونونه خلک موجود وو.
په دې دستورو کښې د یمن خلکو د خدای له دښمنانو د برائت چغې پورته کړې او د صلوات غږونو انګازې وکړې.
د یمن د انصار ا... غورخنګ عمومي منشي هم د میلیونونو خلکو په دغه جشن کښې ټولو ته د پيغمبراکرم د میلاد مبارکي ورکړه او له صهیونیسټي رژيم سره د عربو هیوادونو د اړیکو ښه کولو ته یې غبرګون وښوده.
