بحرین ۱ لاک ۲۰ زرو بهرنیانو ته د بحرین تابعیت ورکړی دی
د بحرینیانو د تابعیت د ختمولو سیاست د بحرین د هویت لپاره یو ګواښ ګڼل کیږي.
د بحرین د بشري حقوقو یو فعال د خپل هیواد د نفوسي جوړښت د بدلولو لپاره یو لک شلو زرو پردیو لاس پوڅو ته د بحریني تابعیت د ورکولو کیدو خبر ورکړ.
رسا خبري آژانس لیکلي چې بحریني فعال مسعود جهرمي پرون په یو رپورټ کښې په دغه هیواد کښې د بشري حقوقو حالت کړکیچن وباله او څرګنده یې کړه: پردیو لاس پوڅانو ته د سیاسي تابعیت ورکول او د بحرین له اصیلو ښاریزو د تابعیت اخیستل د مخالفانو د سزا کولو لپاره د آل خلیفه رژیم په وسلې او اوزار بدل شوي دي.
دغه بحریني فعال د آل خلیفه رژيم د (سیاسي تابعیت) سیاست د توکمیز توپیر یو مثال وباله او ویې ویل: دا سیاست د بحرین د هویت لپاره یو ګواښ ګڼل کیږي.
جهرمي دې ته په اشارې سره چې په تیرو څلورو کالو کښې په سیاسي دلائلو څه باندې د څلورو سوو بحرینيانو تابعیت لغوه شوی دی، ټینګار وکړ چې د بحرین د شیعیانو د مشهور عالم شیخ عیسی قاسم په شمول د ټولو کسانو د تابعیت سلبیدل غیرقانوني دي.
