ریاض کښې د سختې چاودنې غږ واوریدل شو

سعودي سرچینو نیمه شپه د عربستان په پلازمینې ریاض کښې د یوې سختې چاودنې د غږ اوریدل کیدو خبر ورکړ.

تسنیم خبري آژانس خبر ورکړی چې سعودي سرچینو وویل: دغه چاودنه د یمن د پوځ د ډرون حملو له امله رامینځته شوې ده.

په عربستان کښې د ټولنیزو شبکو د کارونکو په وینا، دغې چاودنې د ریاض ښار شمالي برخه لړزولې ده.

ورته مهال سعودي رسنيو ادعا وکړه چې د عربستان اینټي میزایل سیسټم د یمن له ډرون حملو سره مقابله کړې ده.

د دې خبر په هکله نور جزئیات لا نه دي ترلاسه شوې.