امریکې د کرونايي مبادلاتو لپاره په ایران لګولي بندیزونه اوچت کړل
د امریکې د خزانې وزارت بیګا په کوویډ۱۹ پورې د اړوندو راکړو ورکړو او مبادلاتو لپاره د ایران د بایکاټونو د معافیت د صادیدو خبر ورکړ.
ایرنا د امریکې د خزانې په ویب سایټ کښې د خپرې شوې بیانیې له مخې لیکلي دي: د کوویډ۱۹ ناروغۍ د مخنیوي لپاره ایران ته د ځانګړو فعالیتونو اجازه ورکړې شوې ده.
د امریکې د خزانې د نوي دستورالعمل له مخې د هغو شیانو او ټیکنالوجۍ صادرات به چې د کرونا وایرس د پيژندلو، مخنیوي او درملنې په لړ کښې استعمالیږي، په بندیزونو کښې شامل نه شي.
دغه ارګان هم داشان وویل چې د خاصو معاملاتو په اجازې کښې د ایران مرکزي بانک یا د ایران د تیلو ملي شرکت هم شاملیږي.
یاده دې وي چې د امریکې ولسمشر جوبایډن د روان کال په جنورۍ کښې د یو حکم په صادرولو سره له کرونا ناروغۍ سره د هیوادونو په مبارزې باندې د یواړخیزو او څو اړخیزو بندیزونو د اغیزې د څیړنې غوښتنه کړې وه.
