د امام رضا علیه السلام زوکړه مو مبارک شه
امام رضا علیه السلام د ۱۴۸ هجري قمري کال د ذیقعدې د میاشتې په یوولسمه نیټه په مدینه منوره کښې وزیږیده.
نن د ذلقعدې د میاشتې یوولسمه نیټه د نړۍ د شیعه مسلمانانو د اتم معصوم امام حضرت ثامن الحجج علي بن موسی الرضا علیه السلام د نیکمرغې زوکړې کلیزه ده
امام رضا علیه السلام د ۱۴۸ هجري قمري کال د ذیقعدې د میاشتې په یوولسمه نیټه په مدینه منوره کښې وزیږیده.
د امام رضا علیه السلام عظمت په خلکو کښې مشهور و او هر ځاې به چې د هاشمیانو او علویانو او فاطمیانو د لوړتیا خبره کیدله نو دغه امام به د هغوي د سترتوب او میړانې وارث بلل کیده.
د اتم معصوم امام د فضائلو په بیان کښې نقل شوي دي چې د امام رضا علیه السلام په زمانه کښې له هغوي زیات عالم او پوه کس شتون نه درلود.
د حضرت امام رضا علیه السلام د ژوند او امامت پړاؤ د عصمت او طهارت اهل بیتو یعنې د رسول ا... مبارک کورنۍ ته د خلکو د ګروهنې د اوج اخیستو او د دغه پاک خاندان د ولسي محبوبیت د پراختیا پړاؤ دی.
مونږ هم د ایران د راډیو او ټیلیویژن د ادارې په استازیتوب د نړۍ ټولو مسلمانانو په تیره بیا د تهران راډیو مینه والو ته د حضرت امام رضا علیه السلام د نیکمرغه ولادت د کلیزې مبارکي وایو.
