دا شک د حضرت امام زمان (ع) د پاڅون د ماهیت په اړه د ناسم پوهاوي له امله دی، چې له مخې یې د ظلم او باطل پر وړاندې پاڅون او مبارزه دهغه حضرت لپاره ځانګړې ده.

دا شک د حضرت  امام زمان (ع) د پاڅون د ماهیت په اړه د ناسم پوهاوي له امله دی، چې له مخې یې د ظلم او باطل پر وړاندې پاڅون او مبارزه دهغه حضرت  لپاره ځانګړې ده. په داسې حال کې چې د حق او باطل تر منځ مبارزه د انسان د پیدایښت له پیله تر ننه پورې روانه ده او البته معمولاً د باطل له بریا او واکمنۍ سره یوځای  ده. په قرآن او احادیثو کې له ظالم  سره د مبارزې او د مظلوم په ملاتړ ډېر ټینګار شوی دی. ټولو پیغمبرانو او د خدای رښتیني غوښتونکو د خپل وخت د ظالمانو او مفسدینو په وړاندې په بیلابیلو لارو مبارزه کړې ده. د اسلام ګران رسول (ص) او معصومو امامانو هم دا ډول مبارزه کړې وه او د پېغمبراکرم (ص) دغه جانشينان له حضرت بقيه ا... پرته نور ټول په دې لاره کې شهيدان شوي دي او په حقيقت کې مقرره ده  دا صادقانه مبارزه وروستۍ پایلې ته و رسوي په یوه حدیث کې رسول ا... مبارک  د حق او باطل تر منځ د مبارزې دوام ته په واضح ډول اشاره کړې او فرمایلي یې دي: زما د امت یوه ډله به تل د قیامت تر ورځې پورې د حق په لاره کې بریالۍ وي. د ایران ستر مفکر ایت الله مرتضی مطهري د «مهدي (ع) پاڅون او انقلاب» کتاب کې لیکي: د احادیثو او روایاتو له مجموعې دا نتیجه اخیستلای شو چې د مهدي (ع) پاڅون  د حق د مبارزو له حلقو وروستۍحلقه ده او د حق او باطل ترمینځ مبارزه ده چې د نړۍ له پیل راهیسې شتون لري. مهدي موعود د حق د لارې د مبارزې د خلکو ،  ټولو پیغمبرانو او اولیاوو د ایډیال  تحقق بخښونکی دی. البته باید هېر نه کړو چې له ظلم سره هره مبارزه د هغه امام د ظهور اساس نه دی. دتاریخ په اوږدو کې ډیر د ازادۍ غوښتونکي او د ظلم ضد پاڅونونه شوي دي، چې ځینې  یې پایلې ترلاسه کړي، خو الهي انګیزه او هدف پکی  مطرح نه وو. دا ډول حرکتونه د ستایلو وړ دي که په حقیقت کې د بې عدالتۍ د خلکو د ژغورلو او د ازادۍ او سوکالۍ د رامنځته کولو لپاره وي او د ګمراهۍ په لور نه ځي. خو تجربې ښودلې ده چې معمولاً د دغو حرکتونو له بریا وروسته داسې موخې نه تر لاسه کېږي. په هرحال هغه پاڅونونه د ظهور اساس ګڼل کیدی شي چې په  الهي انګیزې  او د اسلام د احکامو د پلي کولو او د هغه د سپیڅلي ارزښتونو پیروي په ځانګړې توګه د حضرت مهدی عج  د پاڅون د زمینې برابرولولپاره ترسره شي .

د حضرت امام زمان(ع) له غیبت د څه د پاسه دولسو پیړیو په تیریدو سره   بې له شکه د ایران اسلامی انقلاب د الهي احکامو د اجرا او د هغه حضرت  د ظهور د زمینې د برابرولو لپاره ترټولو ستر او اغیزمن غورځنګ دی. د اسلامي جمهوري نظام جوړېدل د هغو کسانو لپاره چې د مهدی موعود نجات ورکوونکي په تمه دي، د مهدوي افکارو په لا زیاتې لېوالتیا او ازادۍ سره د خپراوي لپاره یو ښه فرصت رامنځته کړی دی. د ایران اسلامي انقلاب خاصې ځانګړنې لري چې حتی د اخرالزمان د پاڅون په اړه ځینې احادیث هم ورسره مطابقت ولرلی شي. لکه څنګه چې شهید مطهري د مهدي په پاڅون او انقلاب کې یادونه کړې ده، د اسلامي روایتونو له مخې، د پاڅون او د امام د ظهور په سریزه  کې، د حق د خلکو او حتی په ځینو اسلامي برخو کې د نورو پاڅونونو لړۍ ترسره کیږي. په روایاتو کې د حق د خلکو د حکومت خبره ده چې تر پاڅون پورې به دوام ولري. د اسلام ګران پیغمبر (ص) فرمایلي دي: د ختیځ خلک به راپورته شي او د حضرت مهدي (ع) د ظهور لپاره به زمینه برابره کړي. خو یو بل حدیث چې غالباً د ایران د خلکو د اسلامي حرکت وړاندوینه کوي، له امام کاظم (ع) دی چې د پیغمبر له اولاد او جانشینانو دی، چې فرمایی: د قم له خلکو یو کس خلکو ته دعوت ورکوي یو قو م به  د هغه شاوخوا راټول شي چی  ، د اوسپنې ټوټې دي،  د پیښو سخت بادونه دوی  نه ویروي، دوی له جنګ نه ستړي کیږي، دوی نه ویریږي، دوی په خدای توکل کوي، او د متقیانو لپاره ښه پایله ده.

دا حدیث چې نږدې دیارلس پېړۍ وړاندې ویل شوی، داسې ښکاري چې د اسلامي انقلاب تشریح کوي. د ایران د اسلامی جمهوریت بنسټ ګرحضرت امام خمینی (رح) د قم اوسېدونکی ؤ او له دغه سپېڅلی ښار یې خپل اسلامی پاڅون او د ظلم او بربریت پر ضد مبارزه پیل کړه. د ایران مسلمانو خلکو د هغه ستر روحانی شخصیت په مشرۍ چې د پیغمبر اکرم (ص) له نسل  ووهغه حګومت چی  د خارجی قدرتونو په ملاتړ یو ظالم او جابرحکومت ؤ، په سختې او نه ستړې کیدونکې مبارزې کښې نسکور کړ او یو اسلامي حکومت یې جوړ کړ. له هغه وخت راهیسې د دغه نظام او خلکو پر ضد پراخې دسیسې او بریدونه روان دي چې په هغو کې د صدام د رژیم اته کلنه جګړه، پراخ اقتصادي بندیزونه او هر ډول سیاسي دسیسې او تبلیغاتي جګړې شاملې دي. خو په خدای توکل سره د ایران خلکو نه یوازې دا چې له دغو سختو فشارونو سره مقاومت  او مقابله وکړه  بلکې خپل ځواک یې زیات کړ او د نورو ملتونو په خبرولو سره یې هم د خپلو سپیڅلو هدفونو او د اسلامی او مهدوی ظلم دښمنۍ او لوړو هدفونو سره  بلد کړي دي  . همدا لامل دی چې د مهدویت په ډګر کې کارپوهان د ایران اسلامي انقلاب د حضرت مهدي د ظهور بنسټ ګڼي، په ځانګړې توګه ځکه چې امام کاظم (ع) د خپل روشن حدیث په پای کې د دغه غورځنګ او مبارزې پای د پرهیزګارانو په حق کې ګڼلی دی.   

سلامي انقلاب او د حضرت مهدي عج

په خپلو دعاګانو کې د صاحب الزمان  (ع) لپاره  له خدای (ج)  غواړو چی د هغه حضرت  مخلص او وفادار ملګري ووسو او داسې دعا کوو:

وَ قَوِّنا عَلى طاعَتِهِ وَ ثَبِّتْنا عَلى مُتابَعَتِهِ، وَاجْعَلْنا فى حِزْبِهِ وَ اَعْوانِهِ وَ اَنْصارِهِ وَ الرّاضینَ بِفِعْلِهِ، وَلا تَسْلُبْنا ذلِکَ فى حَیاتِنا، وَلا عِنْدَ وَفاتِنا، حَتّى تَتَوَفّانا وَ نَحْنُ عَلى ذلِکَ، لا شـآکّینَ وَ لا ناکِثینَ، وَ لا مُرْتابینَ وَ لا مُکَذِّبینَ، ...

او (خدایا) مونږ ه د هغه (مهدي) د اطاعت کولو لپاره قوي کړي او مونږ د هغه په ​​پیروي کې ټینګ کړي او مونږ د هغه له ګوند او مرسته کونکو او ملگرو وګرځوي هغه حضرت  له کار ه راضي وي. او دا عقیدې له مونږ ه په ژوند کې  او د مرګ تر وخته او له هغه وروسته مه اخلئ، تر څو د هغه  حضرت په ​​​​شکمنو، تړون ماتونکو، رد کونکیو او منکرانو کې نه یو.

پای