Ширкати давлатии "Барқи тоҷик" барои пардохти қарзҳои худ ба Эрон дархости муҳлат кардааст.

Бо такмили фазаҳои 18, 19, 20 ва 22 -юми "Порси ҷанубӣ" то поёни соли 1395-и шамсӣ, 140 миллион метри муккааби дигар ба зарфияти газии Эрон изофа хоҳад шуд.

Гурӯҳи террористии ДИИШ бо интишори як видеои 9 дақиқаӣ дар ютюб Путин, раисҷумҳури Русияро мухотаб қарор дода ва ин кишварро ба ҷиҳод таҳдид кардааст.

Вазири молияи Точикистон аз барномаи ҳукумати ин кишвар ба манзури коҳиши сармоягузорӣ барои сохти нерӯгоҳи барқӣ обии Роғун дар соли 2017 хабар дод.

Вазири дифои Ироқ, кӯмакҳои Ҷумҳурии Исломии Эронро ба он кишвар дар мубориза бо гурӯҳи террористии ДИИШ сутуд.

Раиси Созмони ҳаҷ ва зиёрати Ҷумҳурии исломии Эрон эълом кард, режими Саудӣ иродае барои пазириши зоирони ҳаҷҷи умраи Эрон надорад.

Русия ва Туркия барои интиқоли газ ба Урупо тавофуқ карданд.

Раиси Ҷамоати уламои аҳли суннати Ироқ, гуфт, Арабистон барои ҳифзи гурӯҳи террористии ДИИШ дар Ироқ, ҳама талоши худро ба кор мегирад.

Вазири умури хориҷаи Эрон ва Нигерия бар густариши равобити ду ҷониба таъкид карданд.

Раисҷумҳури Афғонистон бори дигар Покистонро ба ҳимоят аз террористҳо муттаҳам карда ва гуфтааст: Покистон паноҳгоҳи амн барои террористҳо таъмин мекунад ва афроде, ки Афғонистон онҳоро террорист мешиносад, ба роҳатӣ ва бидуни ҳеч монее дар пойтахти Покистон ташкили ҷаласа медиҳанд.

Вазири хориҷаи Арабистон эълом кард, Арабистон омодааст бо Русия ба унвони яке аз бузургтарин тавлидкунандагони нафти дунё, ҳамкорӣ кунад.

Бон Ки Мун, дабири кулли Созмони милал рӯзи чаҳоршанбе аз қудратҳои ҷаҳонӣ хост, итминон ҳосил кунанд тавофуқи торихии ҳастаӣ бо Эрон барои мардуми Эрон манофее эҳсоскунанда эҷод кунад.

Нахуствазири Узбакистон дар паёме ба ҳамтои тоҷикаш бо ибрози нигаронӣ дар бораи идомаи сохти нерӯгоҳи Роғун гуфтааст: Бештари созмонҳои байналмилалӣ муътақиданд, ки сохти ин нерӯгоҳ таҳдиде барои Узбакистон ва дигар кишварҳои поиндасти Осиёи Марказӣ аст.

Додгоҳи ноҳияи Шербинскии Маскав 12 нажодпарасти русро, ки китоби муқаддаси мусалмонҳоро оташ задаанд, аз 5 то 10 сол равонаи зиндон кардааст.

10 мақоми низомии тоҷик дар иртибот ба ҳаводиси хунини моҳи сентябрӣ соли 2015 дар Душанбе маҳкум ба зиндон шудаанд. Шермуҳаммади Шоҳиён-раиси Додгоҳи олии Тоҷикистон рӯзи 18 июл дар нишасти хабарии ин ниҳод бо эъломи ин хабар афзуд, дар миёни ин 10 нафар якеаш мақоми аршади низомӣ буда бақия дар раддаҳои поёнӣ иҷрои вазифа доштаанд. Раиси Додгоҳи олии Тоҷикистон ҳамчунин таъкид кард, ки баррасии парвандаҳои марбут ба ошӯби генерал Назарзода (Ҳоҷӣ Ҳалим) дар ҳоли итмом аст.

Ҳукумати Сербия барои ҷилавгирӣ аз вуруди паноҳҷӯён ба дохили ин кишвар нерӯи муштараки артиш ва пулис ташкил кард.

Мақомоти Ҳизби мамнуи наҳзати исломии Тоҷикистон дар хориҷ аз ин кишвар бо намояндагони Кумитаи ҳуқуқи башари Созмони милал дар Варшава дидор ва авзои муҳоҷирони тоҷик дар кишварҳои аврупоиро баррасӣ карданд.

Маскав оддисозии равобит бо Созмони Паймони Анлантикаи Шимолӣ (НАТО)-ро ба таваққуфи иқдомоти низомии ин паймон дар наздикии марзҳои Русия вобаста донист.

Вазорати умури дохилии Баҳрайн бори дигар бо тарҳи иддаоҳои беасос ва нахнамошуда Ҷумҳурии Исломии Эронро ба дахолат дар умури дохилии он кишвар муттаҳам кард.

Сокинони ду шаҳраки Фуа ва Кафарё дар устони Идлиби Сурия бо баргузории тазоҳуроте хостори шикастани ҳалқаи муҳосира ва боз шудани масири кумаки инсонӣ ба ин ду шаҳрак шуданд.