Sojojin Libiya na ci gaba da samun nasara kan 'yan ta'adda
Dakarun tsaron Libiya sun killace 'yan ta'addar IS a tungar su da karshe a birnin Bangazi
Kamfanin dillancin Labaran Fars na kasar Iran ya nakalto Kanar Mailud Azzawi kakakin Rundunar yaki da ta'addanci na kasar Libiya na cewa Dakarun tsaron kasar sun samu nasarar killace 'yan ta'addar IS a turkansu ta karshe a birnin Bangazi dake gabashin kasar,baya ga haka ya ce a cikin watan da ya gabata sun yi asarar sojoji kimanin 33.
Shi kuma a nasa bangare Birgediya Ayub Kassim mai magana da yawun Dakarun ruwan na Libiya ya bayyana cewa cikin makun da ya gabata sun dakatar da bakin haure masu bi ta ruwan kasar zuwa kasashen Turai 1131 a kusa da gari Sabrata dake yammacin kasar, kuma mafi yawansu mata ne da kananan Yara da suka fito daga cikin wasu kasashe na Afirka.
Bisa wani Rahoto da Majalisar Dinkin Duniya ta sanar daga farkon wannan shekara ta 2017 zuwa yanzu kimanin bakin haure 230 suka rasa rayukansu a kan hanyarsu na zuwa kasashen Turai.
