An kashe Sojojijn Najeriya 7

Kungiyar Boko Haram ta kashe Sojojin Najeriya 7 a arewacin kasar

A marecen Alkhamis, mayakan boko haram sun kai wani harin kautan bauta ga tawagar Sojojin Najeriya a kusa da garin Mafa dake arewa maso gabashin kasar, inda suka kahse Sojoji 7 tare da yin awan gaba da wata Mace soja.

Ya zuwa yanzu babu wani firici da ya fito da bakin Dakarun tsaron Najeriya.duk da cewa a shekarar 2016 da ta gabata Sojojin Najeriya sun samu nasarar fatattakar 'yan ta'addar na boko haram daya yankunan da suka mamaye da kuma Dajin Sambisa, amma har yanzu suna fuskantar hare-haren sari ko noke daga mayakan na Boko Haram.

Idan ba a manta ba dai tun daga shekarar 2009 ne kungiyar ta boko haram ta fara kai hare-hare a tarayyar Najeriya, a shekarar 2015, kungiyar ta fadada kai hare-haren ta a kasashen Kamaru, Tchadi da Jumhoriyar Niger. ya zuwa yanzu an bayyana cewa hare-haren da kungiyar Boko haram ke kaiwa ya yi sanadiyar mutuwar Mutane akalla dubu 20 tare da raba wasu sama da milyan biyu da dubu 600 da mahalinsu.