Fashewar Bam A Arewacin Kasar Kamaru

Harin Bam Yayi sanadiyar Mutuwar Mutane Uku a arewacin kasar Kamaru

Kamfanin dillancin labaran kasar Faransa ya nakalto majiyar tsaron kasar Kamaru a wannan Juma'a na cewa wani Dan kunar bakin wake ya tarwatsa kansa a daren jiya Alkhamis a yankin Limani dake arewacin kasar mai iyaka da tarayar Najeriya, lamarin da yayi sanadiyar mutuwar fararen hula biyu da kuma shi kansa dan kunar bakin waken.

Bayan samun tsaro na wasu watanni a yankin arewacin kasar ta Kamaru, a cikin 'yan makunin nan kungiyar Boko haram ta fara kai hare-haren ta'addanci a yankin, a makun da ya gabata ma harin Boko haram ya hallaka jami'in tsaro guda a yankin Kolofata dake kudu maso yammacin Limani.

A farkon watan  Yuni ma an kai wasu tagwayen hare-haren ta'addanci a yankin Kolofata lamarin da yayi sanadiyar mutuwar fararen hula 9.