Mali: An Gano Gawawwakin Sojoji 6 A Arewacin Kasar

Majiyar tsaro a birnin Bamako ta sanar da gano gawawwakin sojojin kasar a yankunan Gao da Munaka a arewacin kasar ta Mali.

Majiyar tsaro a birnin Bamako ta sanar da gano gawawwakin sojojin kasar a yankunan Gao da Munaka a arewacin kasar ta Mali.

Sai dai kawo ya zuwa yanzu babu wata kungiya wacce ta dauki alhakin kashe sojojin.  Da akwai kungiyoyi  masu dauke da makamai a arewacin kasar Mali da su ka hada da masu alaka a kungiyar alka'ida.

A makon da ya shude ma dai an yi fada a tsakanin wasu kungiyoyin za su ka yi sulhu da gwamnatin Bamako wanda ya kai ga jikkata mutane da dama.

Tare da cewa tun a 2013 ne dakarun tabbatar da zaman lafiya na kasashen Afirka su ka kori kungiyoyi masu dauke da makamai daga arewacin Mali, amma har yanzu suna rike da wasu yankuna.