Libya: An Kai Wa FIlin Saukar Jiragen Sama Na Mu'aitakah Hari

Majiyar tsaron kasar Libya ta ce an kai harin ne da makamai a filin saukar jiragen sama na muaitakha wanda ya haddasa asara ta dukiya

Majiyar ta ci gaba da cewa jirgin sama guda ya illata sabda hari kamar yadda aka lalata wani sashe na filin saukar jiragen saman.

Tun bayan da filin saukar jiragen sama na birnin Tripoli ya lalace sanadiyyar fadan da aka yi a cikinsa a 2014, mafi yawancin jiragen sama na kasa da kasa suna suka da tashi ne daga filin saukar jiragen sama na Mu'aitakah.

An kai wannan harin ne dai a daidai lokacin da  manzon musamman na Majalisar Dinkin Duniya Ghassan Salamé  yake ziyarar aiki a kasar domin ci gaba da tattaunawa akan zaman lafiya.