An Kai Hari Kan Wuraren 'Yan Ta'adda A Birnin Derna Na Libiya

Jiragen yakin Libiya sun yi ruwan bama-bamai kan maboyar 'yan ta'adda a garin Derna na kasar Libiya

Kamfanin dillancin labaran Fars ya nakalto Muhamad Manfour kwamandan kaddamar da hare-hare na dakarun samar kasar Libiya na cewa a jiya juma'a jiragen yakin kasar sun yi ruwan bama-bamai kan maboya da kuma wuraren taruwar kungiyoyin 'yan ta'adda a garin Derna.

Muhamad Manfour ya ce a ranar alhamis din da ta gabata dakarun tsaron kasar sun samu nasarar tsarkake maboyar 'yan ta'adda a kokarin da suke na tsarkake garin Derna daga 'yan ta'addar.

Garin Derna dake gabashin kasar ta Libiya ya kwashe lokaci mai tsaho yana karkashin ikon kungiyar ta'addancin nan ta Mujahidin mai alaka da kungiyar Alqa'ida.