Ganawar Zarif Da Erdogan A Birnin Ankara Na Kasar Turkiya

A yammacin jiya ne ministan harkokin wajen kasar Iran Muhammad Jawad Zarif ya gana da shugaban kasar Turkiya Rajab Tayyib Erdogan a wata ziyarar da ya kai kasar Turkiya.

A yayin ganawar, Zarif da Erdogan sun tabo muhimamn batutuwa da suka danganci alaka a tsakanin kasashen biyu, da kuma wasu batutuwan da suke da alaka da halin da ake ciki a yankin gabas ta tsakiya.

Haka nan kuma Zarif ya gana da Firayi ministan kasar ta Turkiya Binali Yeldmir, daga kashe kuma ya gudanar da taron manema labarai tare da takwaransa na kasar Turkiya Jawish Auglo, inda suka jaddada wajabcin yin aiki kafada da kafada a tsakanin Iran da Turkiya wajen shawo kan matsaloli da dama a yankin, da kuma kara bunkasa alaka ta tattalin arziki da cinikayya a tsakaninsu.