Iraki: An Kashe 'Yan kungiyar Ta'adda Ta Da'esh A gundumar Nainawa

Jiragen yakin Iraki sun kashe 'yan kungiyar Da'esh masu yawaa gundumar Nainawa a yau asabar.

Jiragen yakin Iraki sun kashe 'yan kungiyar Da'esh masu yawaa gundumar Nainawa a yau asabar.

Kamfanin Dillancin Labarun "Irna" ya ambato ma'aikatar tsaron Iraki, na cewa; Jiragen yakin kasar sun kai hari a yau asabar akan wasu sansanoni biyu na 'yan kungiyar ta "Da'esh' a yankin al-jamaliyyah da ke arewa maso yammacin Musul da kuma kauyen al-Ibrah.

Kwamandan 'yan sandan kasar ta Iraki, Ra'id Shakir Jaudat, ya fada a yau cewa;  Sun aike da 'yan sanda masu yawa zuwa yankin na Musel, kuma suna cikin shirin ko-ta-kwana domin shiga cikin fadan karshe da za a yi da 'yan ta'addar Da'esh.

Tuni dai yankin gabacin birnin an Musel ya fice daga karkashin ikon Da'esh bayan da sojojin Irakin su ka 'yantar da shi.