Iraki: Bama-bamai biyu Sun Fashe A birnin Bagdaza.

Jami'an 'yan sandan sun sanar da cewa a kalla mutane 9 ne su ka mutu da jikkata sanadiyyar fashewar wasu bama-bamai biyu a yammaci da kudancin Bagadaza.

Jami'an 'yan sandan sun sanar da cewa a kalla mutane 9 ne su ka mutu da jikkata sanadiyyar fashewar wasu bama-bamai biyu a yammaci da kudancin Bagadaza.

Tashar telbijin din 'al-Alam' mai watsa shirinta daga nan Tehran, ta nakalto cewa; Daya daga cikin bama-baman ya tashi ne a wata kasuwa a yankin ( Haswatu Abu Guraib) da yammacin birnin Bagadaza. Mutane biyar ne su ka jikkata kamar yadda jami'an tsaron su ka ambata.

Bugu da kari majiyar ta ce; Wani bom din ya tashi ne a yankin 'al-mada'in" a kudu maso gabacin Bagadaza, wanda kuma ya yi sanadin mutuwar mutum guda da kuma jikkata wasu uku.

Saboda kashin da 'yan ta'addar Da'esh su ke sha a fagagen daga, sun koma dasa bama-bamai a cikin sassan kasar daban-daban.