An Rusa Ma'ajiyar Makamai Na Sojojin Hayar Saudiya A Arewacin Yemen
Dakarun tsaron kasar Yemen sun samu nasarar tarwatsa wata ma'ajiyar makamai na sojojin hayar saudiya a arewacin kasar
A wani farmakin ba zata da sojojin kasar ta yemen suka kaiwa sojojin hayar saudiya yau a jahar Aljauf dake arewacin kasar, sun samu nasarar hallaka sojojin hayar saudiya da dama tare da tarwatsa wata ma'ajiyar makamai na su.
Wannan farmaki na zuwa ne,a yayin da jiragen yakin kawancen saudiya ke ci gaba da lugudar wuta kan gidajen fararen hula a yankuna daban -daban kasar, tashar talabijin Almasira ta kasar ta habarta cewa harin da sojojin hayar saudiya suka kai da makami mai Linzami a yankin AlGaur na jhar Sa'ada dake arewacin kasar yayi sanadiyar mutuwa da kuma jikkata fararen da dama.
A jiya asabar ma jiragen yakin kawancen saudiya sun kai hari kan wata Motar sifiri a kasar ta Yemen tare da fasinja akallla 20, har ila yau jiragen yakin kawancen saudiya sun kai hari kan gidajen farar hula a jahohin Alhadida da Sa'ada dake yammaci da kuma arewacin kasar ta yemen, harin da ya yi sanadiyar mutane akalla 10 tare da jikkata wasu da dama na daban.
