Sojojin Mamayar Saudiyya Biyar Sun Halaka A Yankin Kudancin Kasar Yamen

Sojojin mamayar masarautar Saudiyya biyar sun halaka a yankin kudancin kasar Yamen kusa da kan iyaka da kasar Saudiyya.

Majiyar watsa labaran Saudiyya ta tabbatar da halakar sojojin kasarta guda biyar a yankin kudancin kasar Yamen kusa da kan iyaka da Saudiyya a dauki ba dadin da aka tsakaninsu da sojojin Yamen a yau Juma'a.

Har ila yau sojojin Yamen da dakarun sa-kai na kasar sun harba makamai masu linzami kan sansanin sojin Saudiyya da ke yankin Ummur-Rish a lardin Ma'arif na kasar Yamen lamarin da ya yi sanadiyyar tarwatsa sansani tare da halaka sojoji masu yawa.