نړيواله ټولنه بايد د صهيونيسټي رژيم د ظلمونو پر وړاندې اقدام وکړي
د ایران د اسلامي جمهوریت د بهرنیو چارو وزارت ویندوی ټینګار وکړ چې نړیواله ټولنه باید د ظالم صهیونیسټي رژیم د جنایتونو پرضد د ټولیز اقدام لپاره ودرېږي.
د ایرنا د خبر له مخې، د ایران د بهرنیو چارو د وزارت ویندوی اسماعیل بقایي، په لبنان کې د ملګرو ملتونو پر سوله ساتو ځواکونو (UNIFIL) باندې د نیواکګر رژیم د پوځیانو د برید د غندلو ترڅنګ وویل: د ملګرو ملتونو پر سوله ساتونکو برید د یوې ادارې د بې قانونۍ او بې رحمۍ یوه بله بېلګه ده، چې په تېر یوه کال کې په غزه کې د ملګرو ملتونو تر ۲۲۰ ډېر کارکوونکي وژلي دي، سفیر یې د ملګرو ملتونو منشور څېري کړی؛ د هغه د بهرنیو چارو وزیر د ملګرو ملتونو سرمنشي د یو نا مطلوب عنصر په توګه معرفي کړی او د هغه جنګ پاله لومړي وزیر د ملګرو ملتونو د عمومي اسمبلۍ له ځایه د نورو هېوادونو د ګواښلو او ویرولو لپاره کار اخیستی دی.
بقایي زياته کړه: نړيواله ټولنه بايد د دغه شر پر وړاندې په ګډه اقدام وکړي.
په همدې حال کې، د اروپا د شورا مشر« شارل میشل» د لبنان په سویل کې د سوله غوښتونکي عملیاتو پر مهال د ملګرو ملتونو پر سوله ساتو ځواکونو (UNIFIL) باندې د صهیونیسټي رژیم وروستۍ حمله وغندله.
د فرانسې د بهرنیو چارو وزارت پرون (جمعه) اعلان وکړ چې په لبنان کې د ملګرو ملتونو پر سوله ساتو ځواکونو(UNIFIL) باندې د صهیونیسټي پوځیانو د حملې له امله یې د دغه رژیم سفیر احضار کړی دی.