د پاکستان حکومت نوازشریف بیرته ستنوي

زمونږ خبریال وايي د پاکستان د بهرنیو چارو وزیر شاه محمود قریشي هیواد ته د پخواني لومړي وزیر نوازشریف د بیرته راستنولو لپاره له بریطانیه سره د مشورې او د هڅو خبر ورکړ .

د پاکستان سترې محکمې سپریم کورټ د دوه زره اولسم(۲۰۱۷) میلادي کال په جنورۍ میاشت کښې پخوانی لومړی وزیر او د مسلم لیګ ګوند د نوازشریف څانګې مشر نوازشریف د مالي فساد په تور له واک څخه لیری کړی و او نوازشریف  همدا اوس د ناروغۍ د درملنې په پلمه په لندن کښې وسیږي .

د پاکستان د باندنیو چارو وزیر شاه محمود قریشي پرون وویل اسلام اباد هیواد ته د نوازشریف د بیرته راستنولو لپاره د انګلستان له حکومت سره د خبرو په حال کښې دی .

هغه وویل پاکستان ته د نوازشریف ورستنول یو (۱)مفصل او پیچلی  بهیر دی .