ایران د یورانیمو د۶۰فیصدي پخولو تیزوالی کم کړی دی
د ایټمي انرژۍ دنړیوال آژانس مشر مدعي شوی دی ،که څه هم ایران د یورانیمو د شپیته فیصدي پخونې زیرمې زیاتې کړي دي ، خو ددغو محصولاتو د تولید سپيډ ئې کم کړی دی .
فارس خبری آژانس راپور ورکړی ، د ایټةی انرژۍ دنړیوال آژانس مشر رافائيل ګروسي پرون دناوخته له نیویارک ټایمز ورځپاڼې سریه په مرکې کې ووئيل، ایران که څه هم د یورانیم د شپیته فیصدي پخولو اندازه زیاتوي ، خو ددغه محصول دتولید سپيډ ئې تر یوه حده کم کړی دی.
نیویارک ټایمز لیکلي دي ، ګروسي په دقیق ډول مشخصه نه کړه چې د یورانیمو د پخولو تیزوالي کمیدا له کله راهسې پيل شوې ده ، د ایټمي انرژۍ نړیوال آژانس په تیرو کلونو کې د ایران د ایټمي پروګرام په باب د صهیونیسټ رژيم له خ وا ځ ينو مطرح شوو ادعاګانو ته توجه کړې او تکرار کړې ئې ده . تهران دغه ادعاګانې جوړې کړئ شوي بللي او په زغرده ئې رد کړي دي.
پر دې سربیره ، د ایټمی انرژۍ دنړیوال آژانس د مشر رافایل ګروسي ځ يني نظر څرګندونې دهغه د تخصصي دندو له چوکاټه بهر مطرح کیږي چې د ایران د لوړپوړو چارواکو غبرګون ئې په ځان پسې درلودلی دی .
د ایټمی انرژۍ دنړیوال آژانس پلټونکو تر اوسه پورې په کرتو د ایران د ایټمي تاسیساتو پلټنې ک ړي دي ، البته هیڅکله ئې هم داسې کوم مدرک چې وبریښوي ، د ایران سوله ایز ایټمي پروګرام د پوځي مقاصدو په لور منحرف شوی وي،نه دی پیدا کړی.
