Putin: Irani luan një rol të rëndësishëm në Euroazi dhe në mbarë botën
Presidenti rus Vladimir Putin tha se Irani luan një rol të rëndësishëm në rajonin e Euroazisë dhe në mbarë botën dhe anëtarësimi i tij në Organizatën e Bashkëpunimit të Shangait (SCO) do të kishte një ndikim pozitiv në punën e kësaj organizate.
Ai tha se Moska "sigurisht përkrah përfundimin sa më të shpejtë të procesit të pranimit" të Teheranit në SCO, duke përfshirë nënshkrimin e dokumenteve dhe memorandumeve përkatëse. “Ne jemi të bindur se anëtarësimi i plotë i Iranit do të ketë një ndikim pozitiv në punën e organizatës, pasi ky vend luan një rol të rëndësishëm në rajonin euroaziatik dhe në botë në tërësi”, tha presidenti rus. Putin tha se SCO gjithashtu i kushton "rëndësi të madhe zgjerimit të bashkëpunimit me vendet që dëshirojnë të krijojnë një dialog të hapur dhe të barabartë me organizatën dhe janë të interesuara për t'u bashkuar me aktivitetet e saj". Edhe Presidenti kinez Xi Jinping gjithashtu përgëzoi Iranin për anëtarësimin e tij të plotë në SCO, duke thënë se Pekini është i gatshëm të forcojë koordinimin dhe bashkëpunimin me Teheranin brenda kornizës së organizatës. Anëtarësimi i plotë i Iranit në SCO do të finalizohet në prill të vitit 2023, pas nënshkrimit të memorandumit të parë të detyrimeve në samitin e Samarkandit. SCO përbën 40 për qind të popullsisë së botës dhe 28 për qind të prodhimit të brendshëm bruto global (GDP).
