Terrori, taktika e Izraelit për t'i shpëtuar humbjes
Me dështimin e Izraelit për të arritur qëllimet ushtarake në Gaza, ky regjim është kthyer në taktikën e vrasjes së komandantëve të rezistencës.
Ditët e fundit Amerika dhe regjimi sionist kanë kryer 4 operacione terroriste kundër komandantëve të rezistencës. Sejed Razi Musavi, një nga komandantët iranianë në Siri, Wissam al-Tawil, një nga komandantët dhe zyrtarët e shquar të departamentit të operacioneve të Hezbollahut libanez, Saleh al-Arouri, nënkryetari i zyrës politike të lëvizjes Hamas, u vranë nga regjimi sionist në ditët e fundit dhe në një sulm amerikan u vra edhe Abu Takawi al-Saidi, komandanti i lëvizjes irakiane Al-Nuxhaba.
Ndërkohë, sipas një dokumenti të publikuar nga burime hebraike, kryeministri i regjimit sionist, Benjamin Netanyahu, ka urdhëruar aparatin e sigurisë së këtij regjimi të përgatisë një plan gjithëpërfshirës për eliminimin e liderëve të rezistencës.
Këto atentate u kryen në një kohë kur regjimi sionist nuk i arriti dy qëllimet kryesore ushtarake, pra lirimin e të burgosurve dhe shkatërrimin e Hamasit, gjatë luftës 3-mujore kundër Gazës.
Nga ana tjetër, këto atentate janë kryer në një situatë kur në territoret e pushtuara janë shtuar demonstratat kundër kabinetit të Netanyahut dhe njëkohësisht janë bërë publike tensionet dhe mosmarrëveshjet brenda kabinetit të Netanyahut.
Prandaj, në një situatë të tillë, kabineti i Netanyahut ka tentuar të vrasë komandantët e rezistencës për të arritur përfitime dhe për të ulur presionin ndaj kabinetit të tij.
Prandaj, nga qëllimet e regjimit sionist me këto atentate, përveç arritjes së qëllimeve në sferën e brendshme, mund të përmenden edhe dy qëllime të tjera: diskreditimi i fuqisë parandaluese të rezistencës dhe ndryshimi i luftës nga Hamas-regjimi sionist në Rezistencë- Shtetet e Bashkuara dhe regjimi sionist.
Në fakt, për të shmangur humbjen në Gaza, regjimi sionist po përpiqet të krijojë një luftë më të madhe në rajonin e Azisë Perëndimore me praninë e Amerikës.
Perceptimi i Tel Avivit është se do të mundet të shmangë poshtërimin në Gaza me praninë e drejtpërdrejtë të Amerikës në luftë dhe me përfshirjen e Iranit.
Një qëllim tjetër i rëndësishëm i regjimit sionist është të vrasë komandantët e rezistencës, të shkatërrojë moralin dhe të dobësojë strukturat komanduese brenda rezistencës, dhe të ngrejë moralin e ushtrisë sioniste.
Domethënë, atë që regjimi sionist nuk e ka arritur në fushën ushtarake, po përpiqet ta arrijë me terror dhe luftë psikologjike kundër rezistencës.
Pika e fundit është se veprimet e makinerisë së terrorit të regjimit sionist në javët e fundit tregojnë planifikimin e Tel Avivit për të krijuar një fushatë për të vrarë komandantët e rezistencës në të gjithë Azinë Perëndimore.
Por dëshmitë historike tregojnë se terrori nuk mund të dobësojë boshtin e rezistencës sepse komandantë të rëndësishëm u martirizuan nga skuadrat e terrorit sionist më parë.
Operacioni Stuhia Al-Aksa vërtetoi se terrori jo vetëm që nuk e ndaloi rezistencën, por pati rezultatin e kundërt dhe forcoi rezistencën.
Në të njëjtën kohë, regjimi sionist duhet të ketë parasysh se durimi strategjik i rezistencës nuk është i pakufishëm dhe këtë regjim e pret një hakmarrje e ashpër.
