Pars Today

Duket se shqetësimet për sulmin hakmarrës të Iranit kundër Izraelit në përgjigje të shkatërrimit të ndërtesës së konsullatës së këtij vendi në Damask po rriten.

Ndërkohë, presidenti i Shteteve të Bashkuara të Amerikës Joe Biden tha të mërkurën me orën lokale në një konferencë shtypi në Shtëpinë e Bardhë: "I thashë Benjamin Netanyahut, angazhimi i Amerikës është i hekurt për sigurinë e Izraelit përballë kërcënimeve të Iranit për të sulmuar Izraelin".

Në të njëjtën kohë me këto deklarata, presidenti amerikan, në lidhje me kërcënimet e Iranit për të kryer një sulm serioz kundër Izraelit pas sulmit ajror në ndërtesën e konsullatës së këtij vendi në Damask paralajmëroi dhe tha: "Ne do të bëjmë gjithçka që mundemi për të garantuar sigurinë e Izraelit".

Këto fjalë janë shprehur pasi Irani ka premtuar se do t'i përgjigjet sulmit izraelit ndaj ndërtesës së tij konsullore në Damask, i cili u krye pak kohë më parë.

Zyrtarët e Shteteve të Bashkuara të Amerikës dhe aleatët e tyre kanë frikë se sulmi i afërt mund të vijë në formën e një lëshimi rakete të drejtpërdrejtë nga Irani, dhe jo përmes forcave përfaqësuese (proxy) të tillë si Hezbollahu i Libanit.

Në sulmin e së hënës, më 1 prill 2024, aeroplanët e regjimit sionist shënjestruan me raketa ndërtesën e konsullatës së Republikës Islamike të Iranit në Damask, ku si pasojë e këtij krimi ranë dëshmorë komandantët e përkushtuar të mbrojtjes së vendeve të shenjta, gjeneral-brigade Muhamed Reza Zahedi dhe gjenerali Mohammad Hadi Haxhi Rahimi, dy prej komandantëve, veteranëve dhe këshilltarëve të lartë ushtarakë të Iranit në Siri si dhe 5 oficerë që i shoqëronin.

Premtimi i Bidenit për të mbështetur Izraelin në Shtëpinë e Bardhë u bë disa orë pasi Udhëheqësi Suprem i Revolucionit Islamik, Ajetollah Khamenei, në predikimin e tij të Fitër Bajramit në Teheran të mërkurën, iu referua sulmit të fundit të regjimit armik në seksionin konsullor të ambasadës iraniane në Damask (kryeqyteti i Sirisë) dhe tha: "Sipas ligjit ndërkombëtar, sulmi ndaj konsullatës dhe ambasadës së çdo vendi konsiderohet sulm ndaj territorit të atij vendi dhe regjimi këmbë e krye i ndyrë sionist duhet të dënohet për këtë krim dhe do të ndëshkohet".