Kuongezeka pakubwa gharama za maisha barani Ulaya

Kupanda kwa bei za bidhaa mbalimbali za mahitaji na gharama za maisha kunaendelea kuzitesa nchi mbalimbali barani Ulaya.

Gazeti la Financial Times limeripoti kuwa, wananchi barani Ulaya wanalalamikia na ongezeko kubwa la bei za bidhaa za vyakula na kupanda kwa gharama za maisha.

Idara ya Takwimu ya Umoja wa Ulaya imeripoti kuwa, bei ya bidhaa za vyakula katika nchi za umoja huo ziliongezeka kwa asilimia 16.6 katika kipindi  kilichoishia mwezi  Aprili mwaka huu; kiwango ambacho kimetajwa kuwa cha juu  juu zaidi ikilinganishwa na  mfumuko wa bei cha asilimia 8.1. uliowahi kuripotiwa barani Ulaya  katika kipindi sawa na hiki mwaka uliopita. 

Makadirio ya karibuni aidha yanaonyesha kuwa, urithi wa mfumuko wa bei katika nchi za Ulaya umesababisha pigo kubwa kwa  mapato ya kaya mbalimbali za wananchi barani Ulaya. 

Kwa mujibu wa makadirio hayo, mapato ya kaya mbalimbali barani Ulaya yalipungua kwa asilimia 6.5 katika ukanda wa Yuro baina ya mwaka 2020 na 2022 kutokana na kupanda kwa bei za vyakula na nishati. Wakati huo huo madhara ya vita vya Ukraine kwa  sekta za chakula, nishati na fedha pia yamekuwa yakiongezeka siku baada ya siku.