Jakadun Mali da Nigeria Sun Gana Da Ministan Harkokin wajen Iran

Jakadun kasashen Mali, Nigeria, Sirilanka da Kuma Jumhuriyar Check sun gana da ministan harkokin wajen kasar Iran Mohammad Jawada Zarif

Majiyar muryar jumhuriyar musulunci ta Iran ta bayyana cewa, a jiya litinin ne ministan harkokin wajen kasar Iran Mohammad Javad Zareef ya gana da Rohanajith da kuma Bubakar Goro Diala jakadun kasashen Sirilanka da kuma Mali wadanda suka yi bankwana da shi, don sun kammala ayyukansu a a nan tehran kuma zasu koma gida.

Har'ila yau a jiya din ne sabon jakadan tarayyar Nigeria Hamza Ibrahin da kuma Svatopluk Cumba na jumhuriyar Chech suka yi ganawa daban daban da ministan harkokin wajen a haduwarsu ta farko da shi a matsayin jakadun kasashensu a nan Tehran.