د چین خارجه وزیر هندوستان ته خپل سفر لغو کړ

د هند تر کنټرول لاندې کشمیر کښې د کړکیچ د زیاتیدو له امله د چین د بهرنیو چارو وزیر نوې ډیلي ته خپل پلان شوی سفر لغو کړ.

تسنیم خبري آژانس لیکلې دي چې وانګ يي د هندوستان ترکنټرول لاندې کشمیر په حالت او د نوې ډیلې د حکومت له خوا په دغې سیمې کښې په روانې کرفیو یا ګرځبندیز  باندې په اعتراض کښې  هندوستان ته خپل سفر لغو کړ.

د چین د بهرنیو چارو وزیر نیت درلود چې د دواړو هیوادونو د سرحدي ستونزو په اړه د سلامشورې په موخه په نوې ډیلي کښې له هندي چارواکو سره وګوري.

ټاکل شوې چې وانګ یي راتلونکې اونۍ پاکستان ته سفر وکړي.

له دې مخکښې هم د چین حکومت د ملګرو ملتو امنیت شورا ته د کشمیر د دوسیې د وړاندې کولو ملاتړ کړی و.