پاکستان د هندوستان د ولسمشر الوتکې ته له خپل حریمه د تیریدو اجازه ور نه کړه
د عمران خان حکومت د پاکستان له هوايي حریم څخه د هندوستان د ولسمشر د الوتکې د تیریدو لپاره د دغه هیواد غوښتنه رد کړه.
د کشمیر په سر د اسلام آباد او نوې ډیلي ترمینځ د اختلافاتو له سختیدو سره هم مهاله د عمران خان حکومت د پاکستان له هوايي حریم څخه د هندوستان د ولسمشر د الوتکې د تیریدو لپاره د دغه هیواد غوښتنه رد کړه.
ایرنا خبري آژانس لیکلې دي چې د پاکستان خارجه وزیر شاه محمود قریشي پرون په اسلام آباد کښې خبریالانو ته وویل: وزیراعظم عمران خان په کشمیر کښې په روان تشدد باندې په اعتراض کښې د پاکستان له اسمانه د آیسلینډ په لور د هندوستان د وزیراعظم رام ناټ کوویند د الوتکې د تیریدو د اجازې لپاره د نوې ډیلي غوښتنه ونه منله.
پاکستان غواړي چې د کشمیر د کړکیچ په سر له نوې ډیلې سره د اړیکو د کچې د ټیټولو په دوام کښې د هندوستان په الوتکو خپل هوايي حریم بیخي بند کړي او هم داشان د پاکستان د خاورې له لارې هم له هندوستان سره د افغانستان په شمول د ټول تجارت او راکړې ورکړې مخه ونیسي.
