د ایران او د روسې چارواکو کتنه وکړه
زمونږ خبریال وايي د ایران پرضد د بندیزونو د ختمیدا په خبرو کښې د روسیې د پلاوي مشر میخائیل اولیانوف د اټومي تړون په هکله د ایران او د روسیې د خارجه وزیرانو د مرستیالانو د کتنې خبر ورکړ.
اولیانوف پرون په یوه پیغام کښې وویل د روسیې د بهرنیو چارو د وزیر مرستیال سرګي ریابکوف او د ایران د خارجه وزارت د سیاسي چارو مرستیال علي باقري کني پرون په ماسکو کښې کتنه وکړه چې د اټومي تړون په کامل ډول د اجرا په بهیر غور وکړي.
هغه د دغه کتنې د محتوا په اړه نور جزیات ورنکړل.
د ایران اسلامي جمهوریت ټینګار لري که چیرې امریکا له حقیقت څخه ډک عمل وکړي نو په ویانا کښې موافقې ته د رسیدا امکان شته او د ایران د نظر وړ موافقه داسی سند دی چې د تهران پرضد دې بندیزونه ختم شي او سیمه هم د دغو بندیزونو له ختمیدا ګټه پورته کړي.
امریکا په غیر قانوني ډول له اټومي تړون څخه وتلي ده او اوس باید بیا دغه تړون ته ورستنه شي.
