د صفی الدین په شان د سرښیندونکو میړنتوب، لبنان له ویشل کیدا ژغورلی دی
پارس ټوډې - حضرت امام خامنه اي په یوه پیغام کې د شیهد سید هاشم صفی الدین د شخصیّت په ستاینې سره ټينګار وکړ، حزب الله ژونده دی او مخ په وده دی او خپل تاریخي رول لوبوي.
د رهبرۍ د مقام د معلوماتو له مخې؛ د اسلامي انقلاب معظم رهبر حضرت آیت ا... العظمی خامنه ای د مقاومت د جبهې ځوانانو ته په یوه پیغام کې د لبنان د حزب الله د اجرایی شورا د شهید شوي مشر« سید هاشم صفي الدین » د شخصیت په ستاینې سره ټینګار وکړ؛ حتی اوس هم حزب الله د لبنان تر ټولو پیاوړی مدافع او د صهیونیسټ رژیم د حرص په مقابل کې چې له اوږدې مودې راهیسې د لبنان د ویشلو هدف لري، تر ټولو پیاوړی ډال دی.
د اسلامی انقلاب د معظم لارښود د پیغام متن په دې ډول دی؛
بسم الله الرحمن الرحیم
د مقاومتي جبهې ګرانو او خوږو ځوانانو!
سید مجاهد رشید او فداکار، جناب سید هاشم صفي الدین رضوان الله علیه د مقاومت د شهیدانو په صف کې شامل شو او یو بل ځلانده ستوری یې د سپیڅلي ځای په لاره کې د جهاد په اسمان کې ښکل کړ.
هغه د حزب الله یو مهم شخصیت ؤ او د سید حسن نصرالله همیشنی ملګری و، حزب الله د ده په شان مشرانو په هوښیارۍ او زړورتیا سره وکولای شول چې لبنان د تباهۍ او د غاصب رژیم له ګواښه وژغوري چې ظالم پوځ ځینې وختونه د بیروت د خنثی کولو لپاره وهل.
د هغه زړورتیا او قربانۍ او نور قومندانان او مجاهدین د نصرالله محور وو، چې د جنوب لیطاني، صور او د دې سیمې د نورو ښارونو د غصب او اشغال او له اشغال شوي فلسطین سره یې د الحاق خطر یې له منځه یووړ. دغه راز یې د هغه هېواد د ځمکنۍ بشپړتیا د ساتنې په لاره کې حزب الله خپل ژوند، مال او ارزښتناکه وقار قربان کړ او غاصب او جنایتکار صهیونیسټ رژیم یې چې د هغه ظالم ،جنایتکار او تورز ړی پوځ وخت په وخت پر بیروت تیري کول او ددوي حق ئې تر پښو لاندې کاوۀ.
اوس د حسن نصرالله او صفی الدین په څېر مشران په ظاهره په دې خوشالۍ کې نشته ، خو د هغوی روح او رهبري په میدان کې شتون لري او د لبنان او د دې بې دفاع خلکو دفاع کوي.
نن سبا هم حزب الله د لبنان ترټولو پیاوړی مدافع او د صهیونیسټ رژیم د حرص په مقابل کې چې له ډیرې مودې راهیسې د لبنان د ویشلو موخه لري، ترټولو پیاوړی ډال دی.
دښمن هڅه کوي چې د لبنان لپاره د حزب الله فداکارانه رول رد کړی، خو د لبنان خواخوږي باید اجازه ورنکړي چې دا درواغجن بیان د دوي له خولې واوري.
حزب الله ژوندی دی او وده کوي او خپل تاریخي رول لوبوي. د تل په څیر، د ایران اسلامي جمهوریت به د خدای په مرستې سره د قدس له مجاهدینو او د هغو جنایتکارو ډلو د نیواک په وړاندې مقاومت کوي چې فلسطین یې غصب کړی دی.
زه د خپل ګران سید صفی الدین د شهادت مبارکي او تسلیت د هغه درنې کورنۍ، خپلوانو او د مقاومت په ټولو ډګرونو کې ملګرو ته وړاندې کوم.
و السلام علی عباد الله الصالحین
